Classic Poem

Cupid Thrown into the South Sea

CUPID THROWN INTO THE SOUTH SEA.

M YRTILLA , as like Venus' sell,
As e'er an egg was like anither,
Ance Cupid met upon the Mall,
And took her for his bonny mither.

He wing'd his way up to her breast:
She started; he cry'd, " Mam, 'tis me. "
The beauty, in o'er rash a jest,
Flang the arch gytling in South Sea.

Frae thence he raise wi' gilded wings,
His bow and shafts to gowd were chang'd;
" Deel 's i' the sea, " quoth he, " it dings: "
Syne back to Mall and Park he rang'd.

Breathing mischief, the god look'd gurly,
With transfers a' his darts were feather'd;
He made a horrid hurly burly,
Where beaus and belles were thickest gather'd.

He tentily Myrtilla sought,
And in the thrang Change-Alley got her:
He drew his bow, and quick, as thought,
With a braw new subscription shot her.English