Classic Poem

I hae lost my heart, I hae lost my heart,
Whaur has the wand'rer flown?
I'm sad and wae for the silly wee thing,
I wish it be na stown.
It's awa' to the lassie blythe an' sweet,
Wi' sunlight in her ee,
And, oh! gin the wilfu' wee thing ye meet,
Gae bring it back to me.

Oh! it's unco sair a lassie to lo'e,
Wha's fickle as the wind;
An' it's unco sair when ye tyne your heart,
Anither no to find:
But, oh! it 's heaven the lassie to lo'e,
Wha gi'es ye love again;
Then strive ye to gain a maiden's heart,
An' niffer't wi' your ain.