Ibtida E Ishq Hai Rota Hai Kya
Ibtadaae ishq hai rota hai kya,
Aage aage dekhiye hota hai kya.
Qafile mein subah ke ek shor hai,
Yaani ghaafil ham chale sota hai kya.
Sabz hoti hi nahin yeh sar zamin,
Tukhm-e-khwahish dil mein tu bota hai kya.
Yeh nishaan-e-ishq hain jaate nahin,
Daagh chhaati ke abas dhota hai kya.
Ghairat-e-Yousaf hai yeh waqt-e-aziz,
Mir isko raigaan khota hai kya.
Reviews
No reviews yet.