Classic Poem

B EINGAT rapfow thocht yow raif
Skorner of poitis and sklanderus knaif
Quhat sayis thow bot we knaw o r sell
In spyte of the and all the laif
The bastard bairne sall beir the bell

Outher thow art ane papist loun
Hepburne or hoitbag Hammiltoun
Gif thie be tha thow callis thi prince.
War zour richt reknit to yi croun
It my t be laid with litill menss.

Blasphemus baird and beggeris get
The regentis self hes nocht forzet
How gude King Willm wes ane bastard
And yow nocht bot ane carlengs pett
Ane daft fule or ane drunken dastard.

And forthermoir gif yow wald flyte
Be weill avisit quhome yow bakbyte
Recant and sweir yow said it nocht
For he sall prosper in dispyte
Off ye and yame yat wald it no t .

Revoik ye wyndie words vane
Ze knew mair quhen ye King wes slane
Spit out and speik mair and ze pleis
Wist I quhome w t to flyte agane
The mater sould be war to meiss.

To flyte w t ye and fyle my lippis
The sone ye mone sould haif the clippis
For all ye quentance with the quene
Thay hound ye to ye hangmanis grippis
Quhair mony better man hes bene.

Sweingeo r cum sweir ye saikles sone
Deny ye evill yat yow hes done
Againis ye man yat maid na falt
Allege lunatyke to ye mone
Or yan abone ane mask of malt

Euir ye mair yow wald be trowit
The les yi lounrie is allowit
Returnand to ye turpitude
Thow sould haif waige durst yow awow it
The gallowis for ye gratitude

Maist lyke sum myllare of ane myll
Had maid ye mater of ye bill
Outher sum cuiks or keching clerks
Be doand fule-face flite yi fill
Men may nocht ding all doggs yat barks.

Palzart war nocht o r faith defendit
Pure commonn weill and knaifrie endit
Than you my t writte in gennerall
All detouris ar bot discommendit
That speiks dispite in speciall.

In fechting man yow maid yi vant
That yow sould sla ye Innocent
But caus or cryme of ony querrell
Bot knew I the yow sould recant
Or yan thy pallat ly in parrell

Luik ye first of everie verss
Hangman gif yow can reherss
Mark weill my name & set ane day
In fechting war yow never so ferss
Thow salbe marrowit and I may

ffinis quod Maddie gar mak ye boun
To all ye papistis of yis toun.