Classic Poem

A MIS , sans toy tout m'anoie
Si tres fort
Qu'en riens n'ay soulas ne joie
Ne confort,
Car l'anoy que pour toy port,
Amis, m'occirra, se croy,
Se temprement ne te voy.

Amis, se je te veoie,
Grant deport
Et grant deduit y penroie;
Desconfort
Seroient en mon cuer mort.
Mais trop soufferray d'anoy,
Se temprement ne te voy.

Amis, je n'ay tour ne voie
Qui m'aport
Riens dont mes cuers se resjoie.
C'est a tort
Que joie einssy pour moy dort,
Quant pour toy suy en tel ploy,
Se temprement ne te voy.