Classic Poem

I mind the auld man that bade in that hoose,
Wi' his auld-farran look sae quaint and crouse —
Sae quaint and crouse,
Sae quaint and crouse.
He was ninety year auld but kindly and clear,
When he cam' bi his end on the hill owr here —
The hill owr here,
The hill owr here —
Whar he fell comin' hame frae his mornin' walk.

There 's nae bodie in 't — the blinds are a' doon;
But that 's the hoose o' John T AYLOR B ROON :
John T AYLOR B ROON —
John T AYLOR B ROON .
It 's noo like a lamp a-wantin' the licht,
Wi' the look whar the e'en hae lost the sicht —
Hae lost the sicht —
Hae lost the sicht:
For the soul has gane oot wi' the man and his books .