Classic Poem

mal-e-soz-e-gam hae! nihani dekhte jao
bhadak uthi hai shamma-e-zindagani dekhte jao

chale bhi aao wo hai qabr-e-fani dekhte jao
tum apne marane wale ke nishani dekhte jao

abhi kya hai kisi din khoon rulayega ye khamoshi
zuban-e-hal ki jadd-o-bayani dekhte jao

garur-e-husn ka sadaqa koi jata hai duniya se
kisi ke khak mein milati javani dekhte jao

udhar muh pher kar kya zibah karte ho, idhar dekho!
meri gardan pe khanjar ke ravani dekhte jao

bahar-e-zindagi ka lutf dekha hai aur dekhoge
kisi ka aish marg-e-nagahani dekhte jao

sune jate na the tum se mere din raat ke shikave
kafan sarakao meri be-zubani dekhte jao

wo utha shor-e-matam aakhari didar-e-mayyat par
ab utha chahate hain nash-e-fani dekhte jao