Classic Poem

Maria, mvter, reyne maget,
Der werlde trosterynne,
Jrwende, vrouwe, myn vngemach
Durch al die güte dyn.
Ich habe die svnde vil getaget,
Nv troste myne synne
Vnde gib mich ruwe vberdach,
Wend ich vil svndich byn.
Sit tü vrouwe aller engele bist,
So irbarme dich vnde gib myr vrist,
Vnz ich kegen dinen svn ghedynge.
Ich han daz ofte wol gehort,
Swer dich eret vnde dyne bort,
Daz ym ouch nymmer misselinge.
Han ich des, vrouwe, nicht getan,
Daz mvet mich vil sere
Vnde ist myr ynnichliche leit.
Nv la mir dyne hulde han!
Din tzorn ist myr tzv swere;
We ym, der in tzv grabe treyt!