Classic Poem

Au grand desir, à l'instante requeste
De tant d'amys dont tu peux disposer,
Vouldrois-tu bien, o amy, t'opposer
Par un reffus de chose treshoneste?
Chascun te prie, et je t'en admoneste,
Que l'Amadis, qu'il t'a pleu exposer,
Vueilles permettre au monde et exposer,
Car par tes faitz gloire et honneur acqueste.
Estimes-tu que Cæsar ou Camille
Doibvent le cours de leur claire memoire
Au marbre ou fer, a cyseau ou enclume?
Toute statue ou medaille est fragile
Au fil des ans, mais la durable gloire
Vient de main docte et bien disante plume.