Classic Poem

There's nane like you — there 's nane like you:
The youngsters blithe around us now
Are bonnie a', baith grit an' sma';
But, auld gudewife, there's nane like you.

Nae doubt they're dear to ither hearts;
But since thae bairns atween us grew,
You're mair than a' the earth to me —
There 's nane like you — there 's nane like you.
Chorus — There 's nane like you — there 's nane
like you, &c.

Within my arms ye now ha'e lain
For springs an' summers forty-two:
You've cheered my grief an' shared my joy —
There 's nane like you — there 'nane like you.
Chorus — There 's nane like you — there 's nane
like you, &c.

Ye ance were fair as ony here —
Your cheek as fresh — your een as blue;
But withered, wrinkled as ye are —
There 's nane like you — there 's nane like you.
Chorus — There 's nane like you — there 's nane
like you, &c.

Ye mind, gudewife, when we could loup
And dance as they are dancin' now;
I lo'ed ye then — I lo'e ye yet —
There 's nane like you — there 's nane like you.
Chorus — There 's nane like you — there 's nane
like you, &c.

A meikle share o' love we've had
The world as we've warsled through:
My auld heart dances thinking o't —
There 's nane like you — there 's nane like you.
Chorus — There 's nane like you — there 's nane
like you, &c.

There come your childer an' their joes
Wi' daffin unco tired I trow:
Cleek hame wi' me, my auld gudewife —
There 's nane like you — there 's nane like you.
Chorus — There 's nane like you — there 's nane
like you,
The youngsters blithe around us now
Are bonnie a', baith grit an' sma':
But auld gudewife, there 's nane like you.