Classic Poem

shriimaan.h veN^kaTa naathaaryaH kavitaarkika kesarii |
vedaantaa chaarya varyome sannidhattaaM sadaahR^idi ||
shriimad.h gR^idhra sarastiira paarijaataM upaasmahe.
yatra tu~Ngair.h atu~Ngaishcha praNatair.h gR^ihyate phalam.h..1

gurubhistvadananya sarva bhaavaiH
guNa sindhau kR^ita saMplavastvadiiye.
raNa pu~Ngava vandi bhaava michchhan.h
ahaM asmyekam.h anugraham.h aaspatam.h te..2

bhuvanaashraya bhuuShaNaastra vargaM
manasi tvanmayataaM mamaatanotu.
vapuraahava pu~Ngava tvadiiyam.h
mahiShiiNaaM animeSha darshaniiyam.h..3

abhiraxitum.h agrataH sthitaM tvaam.h
praNave paartha rathe cha bhaavayantaH.
ahita prashamair.h ayatna labhyaiH
kathayanti aahava pu~NgavaM guNaj~naaH..4

kamalaa nirapaaya dharma patnii
karuNaadyaaH svayam.h R^itvijo guNaaste.
avanaM shrayataaM ahiinam.h aadyam.h
sa cha dharmastvad.h ananya sevaniiyaH..5

kR^ipaNaaH sudhiiyaH kR^ipaa sahaayam.h
sharaNam.h tvaam.h raNa pu~Ngava prapannaaH.
apavarga nayaad.h ananya bhaavaaH
varivasyaa rasamekaM aadriyante..6

avadhiirya chaturvidhuM pumarthaM
bhavadarthe viniyukta jiivitaH san.h.
labhate bhavataH phalaani jantuH
nikhilaan.h yatra nidarshanam.h jaTaayuH..7

sharaNaagata raxaNa vratii maam.h
na vihaatuM raNa pu~Ngavaarhasi tvam.h.
vidatiM bhuvane vibhiiShaNo vaa
yati vaa raavaNa ityudiiritam.h te.. 8

bhujagendra garutmadaadi labhyaiH
tvad.h anuj~naanubhava pravaaha bhedaiH.
sva pade raNa pu~Ngava svayam.h maam.h
paricharyaa vibhavaiH pariShkriyethaaH..9

vimalaashaya ve~NkaTesha janmaa
ramaNiiyaa raNaa pu~Ngava prasaadaat.h.
anasuuyubhir.h aadareNa bhaavyaa
paramaartha stutir.h anvaham.h prapannaiH..10

kavitaarkika siMhaaya kalyaaNaguNashaaline .
shriimate veN^kaTeshaaya vedaantagurave namaH