Classic Poem

I.

Saunt Robert's day 's gane by again
Wi' grace o' wind an' snaw —
The dourest bit o' a' the year,
It warms our he'rts for a'!

II.

Saunt Robert's nicht o' halesome fare
An' drams o' potent drink
Whan buirdly men wi' guid Scots heids
Drive through wi' never-a-wink,

III.

Kind Robin's hour, whan men o' sense
Tell ower the human things
O' love, an' life, an' worth, an' wit
That folk thegither brings.

IV.

What tho' they drank hauf-fou last nicht
Or hae " a heid " this morn,
Their warldly pride has had a jog —
They 're better; I'se be sworn! —

V.

They 're better o' their fellowship
Aboot the sonsie board,
And o' yon glimpse through barley bree
That deem 't, ilk ane a lord.