Classic Poem

Sen thocht is frie think quhat thow will
O troublit hairt! to eis thy paine,
Thocht unrevelit can do na ill;
Bot words past out cummis not againe.
Be cairful ay for to invent
The way to get thy awin intent.

To play thyself with thy awin consait;
And lat none knaw quhat thow dois mene—
Houp ay at last, thoch it be lait,
To thyne intent for to attene.
Lat quhyllis it brek furth in effect,
Bot ay let wit thy will correct.

Sen fuil haist cummis not greatest speid,
I wald thow souldest learne to knaw
How to mak vertew of thy neid,
Sen that necessitie hes no law.
With patience then thow attend;
And houp to vanqueis in the end.