Classic Poem

Tere qadamon pe sar ho ga qaza sar pe khaRi ho gi
phir us sajde ka kya kahana anokhi bandagi ho gi

Nasim e subah gulashan may gulon se khelati ho gi
kisi ki akhari hichaki kisi ki dillagi ho gi

Dikha dunga sar e mahafil bata dunga sar e mahashar
wo mere dil may honge aur duniya dekhati ho gi

Maza a jayega mahashar may phir sunane sunane ka
zuban hogi wahan meri kahani ap ki ho gi

Tumhen danista mahafil may jo dekha ho to mujarim
nazar akhir nazar hai be irada uth gai ho gi