Classic Poem

Mich hat myn tvmme syn betrogen,
Daz han ich wol irvunden
An manigem, den ich valsches vry
Vnde truwe hette irkorn.
Myn mvnt, der hat sie an gelogen
Myt lobe an manigen stvnden,
Des gebe ich ir tusent vmme dry
Vnde drytzich ouch tzv vorn.
Swer nv dry vrivnt getruwe hat,
Alsam ez in der werlde stat,
Der ist me den wol gevrivndet.
Ich ne habe sie vür die heyne vrivnt,
Die vryvnt vür mynen ougen synt
Vnde mich myt schaden hynden vntzvndet.
Der gougel vüre vntgelte ich vil,
Die sie sus myt myr triben,
Der hertze ich truwe hete irsen.
Sie synt vürvlüchet ane tzil.
Vrivnt sol by vrivnde bliben,
Da mac man gantze vrivntscaft spen.