Classic Poem

AND I 'll awa'
To bonny Tweed-side,
And see my deary come throw,
And he sall be mine,
Gif sae he incline,
For I hate to lead apes below.

While young and fair,
I 'll make it my care
To secure mysell in a jo;
I 'm no sic a fool,
To let my blood cool,
And syne gae lead apes below.

Few words, bonny lad,
Will eithly persuade,
Tho' blushing, I daftly say no;
Gae on with your strain,
And doubt not to gain,
For I hate to lead apes below.

Unty'd to a man,
Do whate'er we can,
We never can thrive or dow;
Then I will do well,
Do better wha will,
And let them lead apes below.

Our time is precious,
And gods are gracious,
That beauties upon us bestow;
'Tis not to be thought
We got them for nought,
Or to be set up for a show.

'Tis carry'd by votes,
Come kilt up your coats,
And let us to Edinburgh go;
Where she that 's bonny
May catch a Johny,
And never lead apes below.