Classic Poem

Baith gude and fair and womanly,
Debonair, steadfast, wise and true,
Courteous, humill and lawlie,
And groundit weill in all virtue,
To whose service I sall pursue
Worship without villany,
And ever anon I sall be true,
Baith gude and fair and womanly.

Honour for ever unto that free
That nature formit has so fair;
In worship of her fresh beautie
To Luvis court I will repair,
To serve and luve without despair,
Forthy I wat her most worthy
For to be callit our allwhere
Baith gude and fair and womanly.

Sen that I give my hairt her to,
Why wyte I her of my murning?
Though I be woe what wyte has scho?
What wald I more of my sweet thing
That wat not of my womenting.
When I her see comfort am I,
Her fair effeir and fresh having
Is gude and fair and womanly.

Thing in this warld that I best luve,
My very heart and comforting,
To whose service I sall pursue
Whill deid mak our depairting.
Faithful, constant, and bening
I sall be while the life is in me,
And luve her best attour all thing,
Baith gude and fair and womanly.