A Bidding Prayer

Bidde we with milde stevene
Til ure Fader, the King of hevene,
In the mununge of Cristes pine,
For the laverd of this hus and al lele hine;
For alle Cristen folk that is in goode life,
That God shilde hem today fro sinne and fro sithe;
For alle tho men that are in sinne bunden,
That Jesus Crist hem leyse for His haly wunden;
For quike and for deade and al mankinde,
And that us here good don, in hevene mot they it finde;
And for alle that on erthe us feden and foster,
Saye we nu alle the haly Pater Noster .
Rate this poem: 


No reviews yet.