Classic Poem

Ye Highlands and ye Lawlands.
Oh! where hae ye been?
They hae slain the Earl of Murray,
And hae laid him on the green.

Now wae be to thee, Huntly,
And wherefore did you sae?
I bade you bring him wi' you,
But forbade you him to slay.

He was a braw gallant,
And he rid at the ring;
And the bonnie Earl of Murray,
Oh! he might hae been a king.

He was a braw gallant,
And he play'd at the ba';
And the bonnie Earl of Murray
Was the flower amang them a'.

He was a braw gallant,
And he play'd at the glove;
And the bonnie Earl of Murray,
Oh! he was the Queen's luve.

Oh! lang will his lady
Look owre the castle Down,
Ere she see the Earl of Murray
Come sounding thro' the town.