Classic Poem

Of the commoditees of the Januays, and here grette karekkys. The vj. chapitle.

The Janueys comyne in sondre wyses
Into this londe, wyth dyverse marchaundyses,
In grete karrekkis arrayde wythouten lake,
Wyth clothes of golde, silke, and pepir blake
They bringe wyth hem, and of wood grete plente,
Wolle, oyle, woad aschen, by wesshelle in the sec,
Coton, roche-alum, and gode golde of Jene.
And they be charged wyth wolle ageyne, I wene,
And wollene clothe of owres of colours alle.
And they aventure, as ofte it dothe byfalle,
Into Flaundres wyth suche thynge as they bye,
That is here cheffe staple sykerlye;
And if they wolde be oure fulle ennemyse,
They shulde not passe our stremez with merchaundyse.