The wird sisteris wandering, as they wer wont than,
Saw revinis rug at this rat be ane rone-ruite.
They musit at this mandrak mismaid lyk ane man:
Ane beist bund with ane bunwyd in ane auld bute.
How this ghaist haid bene gottin, to ges they begane,
Swir sweillit in ane swyneskin and smeirit our with sute.
The bellie that it buir they bitterlie ban.
Of that mismaid mowdywart, mischief they mute
That cankerit camscheocht, uncristnit, they curs;
And baid that it suld nevir be but
The glengoir, gravell and the gut,
And all the plaigis that evir wes put
In Pandora's poysonit purs. . . .