Classic Poem

Of my lady well me rejoise I may!
Hir golden forheed is full narw and smal;
Hir browes been lik to dim, reed coral;
And as the jeet hir yen glistren ay.

Hir bowgy cheekes been as softe as clay,
With large jowes and substancial.

Hir nose a pentice is that it ne shal
Reine in hir mouth thogh she uprightes lay.

Hir mouth is nothing scant with lippes gray;
Hir chin unnethe may be seen at al.

Hir comly body shape as a footbal,
And she singeth full like a papejay.