Classic Poem

" Gang on, man, gang on, man, why should you tyne hope,
The road is weel trodden, then why wad ye stop?
See, hie on the hill a bricht beacon is burnin' —
It's a lang lane that hasna a turnin'. "

" I wad fain reach the tap, I wad fain climb the brae,
But scowling misfortune stands barrin' my way:
I canna weel thole siccan frownin' an' spurnin' —
It's a lang road, an' hasna a turnin'. "

" Toot, lassocks, ye ken, are whiles gey hard to win,
They frown an' say no, when they 're only in fun:
The best stibble butter taks langest o' churnin' —
It's a lang road that hasna a turnin'. "

" I canna walk weel, for the road's strewn wi' briers,
I canna see weel, for my ee 's dim wi' tears:
I canna stand out, I am weary sojournin' —
It's a lang road, and hasna a turnin'. "

" Be brave, persevere, though your hopes may be sma',
Be brave, an' misfortune afore ye shall fa':
Fairday dawnsmair bright, afterdark nights o' mournin' —
It's a lang road that hasna a turnin'. "

On, on, wends the pilgrim, with hope-kindled breast,
Nor stays he, till high on the mountain's proud crest,
He ferlies what kept him sae lang sittin' girnin' —
It's a lang road that hasna a turnin'.