Jak, thou seist at the last

 Jak, thou seist at the last,
that charité is chacid,
to vengyn oure defautis,
and vengyn oure defautis,
and mende us of oure mysse,
levynge oure rotyn ritis,
folowinge Goddis lawe.
Jak, oure ritis ben nougt rotyn,
her rootis ben al freishe,
plantid in the gospel,
as I seide biforen;
but, good Jak, gour grace,
where be ge foundid?
not in Goddis gospel,
but in Sathanas pistile,
wher of sorowe and of snowcrie
noon is to seken,
but al maner of dolosité
to gou is enditid,
as in thi lewid daliaunce
apertli thou hast preved;
but moche mawgré mote thou have
thus to frayn a frere,
that slily wolde have slent aweye,
and noman have greved.
But for thi grete labour
thi gardoun thou shalt gete;
thou shalt have the popis curse,
and al holi chirchis;
and if thou sett this at nougt,
God mowe sende thee more,
the curse that he hath govun to Caym
and Choreis sone also;
thou shalt also have the curse
that Crist gaf to Phariseis,
figured in the figre tree
that nevere bare fruyte aftir.
Thou shalt have the weleaway
of Gelboth hilles,
the sorowe of Sodome,
and al sinful citeis.
Take for thi faire speche
the preier of Deus laudem ,
the greable gardoun
for al opin sclaundris;
thou shalt have the malisoun
of Moab and Ariel;
the benysoun of Bethsaida
shal make thy beddis heed;
and, Jakke, for thou apprisist not
the curse of seint Franceis,
but scornyst the malisoun
of the foure ordris,
take the malisoun that God gaf
to brekers of his lawe,
in the book of Deutronomye,
the seven and twenty chapitre;
but evere be ware of Cristis curse,
and of cattis tailis,
the which if thou have grace to cacchen,
nevere shal thou thryve.
Now fare forthe to thi fourmures,
and, Jak, thou hem telle
the matere of oure talkynge,
and loke how hem likith;
and if hem thinke not thi sawes
sufficientli assoilid,
lat hem senden agen,
it shal be amendid;
and sai hem that it nedith not
to sharpen oure clerkes,
for frere Dawe is scharpe ynowg
for al sich enditinge.
Ffare wele, Jak Jawdewyne,
I thee God bitake;
and nomore of freris
I thee rede to preche.
To lower state than thei ben
thou maist hem not dryve,
and if thei evere come to higer,
the wers shal thou thryve.
Translation: 
Language: 
Rate this poem: 

Reviews

No reviews yet.