Jannat jo mile lake maikhaane main rakh dena

Jannat jo mile lake maikhaane main rakh dena
Kausar mere chote se paimaane main rakh dena

Mayyat na meri ja ke weerane main rakh dena
Paimanon main dafna ke maikhaane main rakh dena

Wo jis se samajh jayen rudad mere Gham ki
Aisa bhi koi tukRaa afsaane main rakh dena

Sajdon pe na dena mujh ko arbab e haram ta'ne
Ka'be ka koi patthar but'Khaane main rakh dena

'Seemab' ye qudrat ka adna sa karishma hai
Khamosh si ik bijli parawaane main rakh dena

Rate this poem: 

Reviews

No reviews yet.