Classic Poem

Ja, far der war en Stien a' Skyw',
laant far, laant far — a skal ett lyw' -
Kræn Hendrisen den Stien ku' klyw',
far Søren Smed en Skow ku' byw',
og far æ Lærki han ku' flyw',
far Bitte Drejs det bitte Splejs -
war bløwn saa Stur som han ku' blyw',
— far Laang Margreth' ku' stikk' med Knyw',
far Kræn den Fjar' haaj mist' æ Yw',
far Gorm den Gamles Bjen' bløw styw',
ja osse far — det tær a skryw' -
Methusalem ku' løwt' en Ryw', -
far Abraham ku' tæl' te Tyw',
far Dawed Kong' med Lamm ku' dryw',
halvminder kikk' i Pagtens Ark,
da lô dér po mi Faa'rs Mark
de tow ærværdig' gammel Hyw'!