A Knight there was, and that a worthy man


A Knight ther was, and that a worthy man
That from the tyme that he first bigan
To ryden out, he loved chivalrye,
Trouthe and honour, fredom and curteisye.
Ful worthy was he in his lordes werre,
And therto hadde he riden (no man ferre)
As wel in Cristendom as hethenesse,
And ever honoured for his worthinesse . .
At mortal batailles hadde he been fiftene,
And foughten for our feith at Tramissene
In listes thryes, and ay slayn his fo.
This ilke worthy knight had been also
Somtyme with the lord of Palatye,
Ageyn another hethen in Turkye:
And evermore he hadde a sovereyn prys.
And though that he were worthy, he was wys,
And of his port as meke as is a mayde.
He never yet no vileinye ne sayde
In al his lyf, un-to no maner wight.
He was a verray parfit gentil knight.
Rate this poem: 


No reviews yet.