Classic Poem

My lordis of chalker, pleis yow to heir

1

My lordis of chalker, pleis yow to heir
My coumpt, I sall it mak yow cleir,
But ony circumstance or sonyie;
For left is nether corce nor cunyie
Off all that I tuik in the yeir.

2

For rekkyning of my rentis and roumes
Yie neid not for to tyre your thowmes,
Na for to gar your countaris clink,
Na paper for to spend nor ink,
In the ressaueing of my soumes.

3

I tuik fra my lord thesaurair
Ane soume of money for to wair.
I cannot tell yow how it is spendit,
Bot weill I waitt that it is endit,
And that me think ane coumpt our sair.

4

I trowit, the tyme quhen that I tuik it,
That lang in burgh I sould haue bruikit.
Now the remanes ar eith to turs —
I haue na preiff heir bot my purs,
Quhilk wald not lie and it war luikit.English