Classic Poem

Now the principalle matere.

What reason is it that wee schulde go to oste
In there cuntrees, and in this Englisshe coste
They schulde not so, but have more liberte
Than wee oure selfe? now, alle so mot I the,
I wolde men shulde to geftes take no hede
That lettith oure thinge publique for to spede;
Ffor this wee see welle every day at eye,
Geftes and festes stopene oure pollicye.
Now se that fooles bene eyther they or wee,
But evere wee have the warse in this contre.
Therefore lett hem unto coste go here,
Or be wee free wyth hem in like manere
In there cuntres; and if it wolle not bee,
Compelle them unto coste, and ye shalle see
Moche avauntage and muche profite arise,
Moche more than I write can in any wyse.