Classic Poem

The bonnie lassie gat a bairn,
Och hey an' weary O!
It yammers on fae morn till nicht,
Wi' aye the bit , an' aye a dicht —
Och, Och!

She min's the time she wis her lean,
Och hey an' weary O!
Till Johnnie cam' wi' her to play;
Syne foo they danc't and sang sae gay —
Och, Och!

But something gar't the laddie flee —
Och hey an' weary O!
And she was left to stan' or fa' —
To ken the claik an' fit the ba ' —
Och, Och!

The peer bit lassie 's tether't noo,
Och hey an' weary O!
For at her fit or on her knee
The unco bairnie aye maun be —
Och, Och!

She canna win fae hame at even —
Och hey an' weary O!
And a' the fouk she kent sae weel
The deil-a-muckle for her feel —
Och, Och!

But still, the bairnie 's gweed to hae —
Och hey an' weary O!
It drys the tear that lips her e'e
And wi' its lauch her heart gaes free —
Och, Och!

And fan at last — baith needin' sleep;
Och hey an' weary O!
The mither yields her balmy breast
To be the infant's tender nest —
They're baith at peace .