Classic Poem

Wele, herying and worshipe be to Christ that dere ous boughte,
To wham gradden " Osanna!" children clene of thoughte.

Thou art King of Israel and of Davides kunne,
Blessed King that comest till ous withoute wem of sunne.

All that is in Hevene thee herieth under on,
And all thine owne hondewerk and euch dedlich mon.

The folk of Giwes with bowes comen ayeinest thee,
And we with bedes and with song meketh ous to thee.

He kepten thee with worshiping, ayeinst thou shuldest deye,
And we singeth to thy worshipe, in trone that sittest heye.

Here wil and here mekinge thou nome tho to thonk;
Queme thee thenne, milsful King, oure offringe of this song.