Classic Poem

The penny lost in the lak
Wes fundin and uptak,
And he that fand it did by
With the samyn penny
A littill pig for his prow
Off Kolkelbeis sow.
A harlot wynnit neir by,
And scho wald mak a mangery,
And had no substance at all
Bot this pur pig stall,
To furnis a gret feist,
Withouttin stufe, bot this beist.
And yit scho callit to hir cheir
On apostita freir,
A perverst perdonair
And practand palmair,
A wich and a wobstare,
A milygant and a mychare,
A fond fule, a fariar,
A cairtar, a cariar,
A libbar and a lyar,
And riddill revar,
A Tuttivillus, a tutlar,
And a fanyeit flatterar,
A forfarn falconar,
A malgratious millare,
A berward, a brawlar,
And ane aip ledar,
With a cursit custumar,
A tratlar, a tinklar,
And mony uthir in that hour
Off all evill ordour.
First with a fulisch flour,
An ald monk, a lechour,
A drunkin drechour,
A double toungit counsalour,
A trumpour, a trucour,
A hangman, a hasardour,
A tyrant, a tormentour,
A truphane, a tratlour,
A faynit nigramansour,
A japer, a juglour,
A lase that lufis bot for lour,
And a man merrour,
An evill wyffis mirrour,
In all thair semblance sour
With a noyefull nychtbour,
A lunatik, a sismatyk,
An heretyk, a purspyk,
A lumbard, a lolard,
Ane usurar, a bard,
Ane ypocreit in haly kirk,
A burn grenge in the dirk,
A schipman on se and sand,
That takis lyfe and gud on hand,
And knawis nowthir cours nor tyd,
Bot presumpteous in pryd,
Practing no thing expert,
In cunnyng, cumpas, nor kert,
A skeg, a scornar, a skald,
A balestrod and a bald,
An unthrifty dapill man,
A rebald, a ruffian,
A murderer of leil men,
A revischer of wemen;
And two lerit men thame by,
Schir Ockir and Ser Symony,
Yit mony in a grit rout
For lak of rowme stud about.