Classic Poem

ON HIS FIRST VISIT TO AMERICA

ROBERT LOUIS STEVENSON!
Blue the lift and braw the dawn
O' yer comin' here amang
Strangers wha hae luved ye lang!
Strangers tae ye we maun be,
Yet tae us ye're kenned a wee
By the writin's ye hae done,
Robert Louis Stevenson.

Syne ye've pit yer pen tae sic'
Tales it stabbt us tae the quick —
Whiles o' tropic isles an' seas
An' o' gowden treesuries —
Tales o' deid men's banes; an' tales
Swete as sangs o' nightingales
When the nune o' mirk's begun —
Robert Louis Stevenson.

Sae we hail thee! nane the less
For the " burr " that ye caress
Wi' yer denty tongue o' Scots,
Makin' words forget-me-nots
O' yer bonnie braes that were
Sung o' Burns the Poemer —
And that later lavrock, one
Robert Louis Stevenson.