Classic Poem

1

Schir, I complane off iniuris:
A refing sonne off rakyng Muris
Hes magellit my making throw his malis,
And present it in to yowr palis.
Bot sen he ples with me to pleid,
I sall him knawin mak hyne to Calis,
Bot giff yowr henes it remeid.

2

That fulle dismemberit hes my meter
And poysonid it with strang salpeter,
With rycht defamows speiche off lordis,
Quhilk with my collouris all discordis,
Quhois crewall sclander seruis ded,
And in my name all leis recordis.
Your grace beseik I of remeid.

3

He has indorsit myn indyting
With versis off his awin hand vryting,
Quhairin baithe sclander is and tressoun.
Off ane vod fuill, far owt off seasoun,
He wantis nocht bot a rowndit heid,
For he has tynt baith wit and ressoun.
Yowr grace beseik I off remeid.'
4

Punes him for his deid culpabile,
Or gar deliuer him a babile,
That Cuddy Rug, the Drumfres fuill,
May him resaue agane this Yuill,
All roundit, in to yallow and reid,
That ladis may bait him lyk a buill,
For that to me war sum remeid.