Classic Poem

Thair is nocht ane winche that I se
Sall win ane vantage of me.
Be scho fals, I sal be sle,
And say to dispyt hir;
Be scho trew, I will confyd;
Will scho remane, I sall abyd;
Will scho slip, I will bot slyd,
And so sall I quyt hir.

Be scho constant and trew,
I sall evir hir persew;
Be scho fals, than adew,
No langer I tary;
Be scho fathfull in mynd,
I sal be to hir inclynd;
Be scho strange and unkynd,
I gif hir to fary.

Be scho haltand and he,
Rycht so sall scho fynd me;
Be scho lawly and fre.
The suth I sall say hir;
Be scho secreit and wyis,
I sall await on hir servyis;
Will scho glaik and go nyis,
I leif hir to play hir.

And I magyn my mailis,
I sall feid hir with caillis;
Thocht my sawis haif no seillis,
I sall leir hir to fan;
Be scho wylie as ane tod,
Quhen scho winkis, I sall nod.
Scho sall nocht begyle me, be God,
For ocht that scho can.