Classic Poem

wo dil nawaz hai nazar shanas nahi
mera ilaj mere charagar k pas nahi

tarap rahe hain zaban par kai sawal magar
mere liye koi shayan-e-iltamas nahi

tere ujalon main bhi dil kanp kanp uthta hai
mere mizaj ko asudagi bhi ras nahi

kabhi kabhi jo tere qurb main guzre the
ab un dinon ka tasawwur bhi mere pas nahi

guzar rahe hain ajab marhalon se dida-o-dil
sahar ki as to hai zindagi ki as nahi

mujhe ye dar hai k teri arzu na mit jaye
bahut dinon se tabiyat meri udas nahi