Classic Poem

The bride cam' out o' the byre,
— And oh, as she dighted her cheeks:
" Sirs, I'm to be married the night,
— And ha'e neither blankets nor sheets;
Ha'e neither blankets nor sheets,
— Nor scarce a coverlet too;
The bride that has a' thing to borrow,
— Has e'ndash right muckle ado! "
— — — Wooed and married, and a',
— — — Married and wooed and a'!
— — — And was she nae very weel aff,
— — — That was wooed and married and a'?

Out spake the bride's father,
— As he cam' in frae the pleugh:
" Oh, haud your tongue, my dochter,
— And ye'se get gear eneugh;
The stirk stands i' the tether,
— And our braw bawsint yaud,
Will carry ye hame your corn —
— What wad ye be at, ye jaud? "

Out spake the bride's mither:
— " What deil needs a' this pride?
I had nae a plack in my pouch
— That night I was a bride;
My gown was linsey woolsey,
— And ne'er a sark ava;
And ye ha'e ribbons and buskins,
— Mair than ane or twa. "

Out spake the bride's brither,
— As he cam' in wi' the kye:
" Poor Willie wad ne'er ha'e ta'ndash ye,
— Had he kent ye as weel as I;
For ye're baith proud and saucy
— And no for a puir man's wife;
Gin I canna get a better,
— I'se ne'er tak' ane i' my life. "

Out spake the bride's sister,
— As she cam' in frae the byre:
" O gin I were but married,
— It's a' that I desire;
But we puir folk maun live single,
— And do the best we can;
I dinna ken what I should want,
— If I could get but a man! "