Classic Poem

Worlde's blisse, have good day!
Now from myn herte wend away.

Him for to loven myn hert is went
That thurgh His side spere rent;
His herte-blood shed He for me,
Nailed to the harde tree;
That swete body was y-tent,
Prened with nailes three.

Ha Jesu! thyn holy heved
With sharpe thornes was bi-weved;
Thy feire neb was al bi-spet,
With spot and blood meind al bi-wet;
Fro the crune to the to
Thy body was ful of pine and wo,
And wan and red.

Ha Jesu! thy smarte ded
Be my sheld and my red
From develes lore.
Ha! swete Jesu, thyn ore!
For thine pines sore,
Tech herte myn right love thee
Whos herte-blood was shed for me.