Classic Poem

Zindagi khinch gayi mujh se tere aabroo ki tarha
apney he khoon ka pyasa hon lab joun ki tarha

Woh sitara jo mere naam se mansoob hua
deda-e-shab main ek aakhri aansoo ki tarha

Shola-e-Soz daro'n sard hawa jata hay
koi samjhaye saba ko k chale Loo ki tarha

Koi dewana uthey khaak uraney k liye
aaj bhe dasht hain phailey hue bazuu ki tarha

iss bhare shaher main karta hon hawa se batain
Paao'n parta hay zameen per mera aaho ki tarha

Shabnami haath barhaao k khule darwaza
bin khile phool k zinda'n main hon khoushboo ki tarha

chahatey hain jo Muzaffar gham-e-hasti se faraar
beth jayen jo garha khod k sadho ki tarha