Classic Poem

Oh, saft is the blink o' thine ee, lassie,
Saft is the blink o' thine ee;
An' a bonny wee sun glimmers in its blue orb
As kindly it glints upon me.

The ringlets that twine round thy brow, lassie,
Are gowden as gowden may be;
Like the wee curly cluds that play round the sun
When he's just gaun to drap in the sea.

Thou hast a bonny wee mou', lassie,
As sweet as a body may pree;
An' fondly I'll pree that wee hinny mou',
E'en tho' thou shouldst frown upon me.

Thou hast a lily white hand, lassie,
As fair as a body may see;
An' saft is the touch o' that wee genty hand,
At eve when thou partest wi' me.

Thy thoughts are sae haly and pure, lassie,
Thy heart is sae kind an' sae free;
My bosom is flooded wi' sunshine an' joy,
Wi' ilka blythe blink o' thine ee.