Classic Poem

Prey for us the Prince of Pees,
Amice Christi, Johannes.

To thee now, Christes dere derling,
That were a maiden bothe eld and ying,
Mine herte is set to thee to sing,
Amice Christi, Johannes.

For thou were so clene a may
The prevites of Hevene forsothe thou say
Whan on Christes brest thou lay,
Amice Christi, Johannes.

Whan Christ beforn Pilat was brought
Thou, clene maiden, forsok him nought:
To deye with him was all thy thought,
Amice Christi, Johannes.

Christes moder was thee betake,
A maiden to ben a maidenes make:
Thou be oure helpe we be not forsake,
Amice Christi, Johannes.